მთავარი / საქართველო / ქუთაისის აეროპორტიდან ფრენები უკრაინულმა დაბალბიუჯეტიანმა ავიაკომპანიამ დაიწყო
ქუთაისის აეროპორტიდან ფრენები უკრაინულმა დაბალბიუჯეტიანმა ავიაკომპანიამ დაიწყო

ქუთაისის აეროპორტიდან ფრენები უკრაინულმა დაბალბიუჯეტიანმა ავიაკომპანიამ დაიწყო

ქუთაისის დავით აღმაშენებლის სახელობის აეროპორტში ოპერირება უკრაინულმა დაბალბიუჯეტიანმა ავიაკომპანია „სკაი აფ ეარლაინსმა“ (SKY UP AIRLINES) დაიწყო.

პირდაპირი რეგულარული რეისები ქუთაისიდან ოდესისა და ხარკოვის მიმართულებით კვირაში ორჯერ, „ბოინგ 737-800“-ით შესრულდება.

„საქართველოს აეროპორტების გაერთიანების“ დირექტორის, გიორგი ჩოგოვაძის განცხადებით, ქუთაისის საერთაშორისო აეროპორტში კიდევ ერთი დაბალბიუჯეტიანი ავიაკომპანიის მიერ ოპერირების დაწყება სრულ თანხვედრაშია იმ სტრატეგიასთან, რასაც ქუთაისის აეროპორტის დაბალბიუჯეტიანი ავიაკომპანიების ჰაბად ქცევა ჰქვია.

უკრაინული დაბალბიუჯეტიანი ავიაკომპანია 2016 წელს დაფუძნდა და ფრენების განხორციელება 2018 წლის მაისიდან ევროპის, აფრიკისა და ახლო აღმოსავლეთის მიმართულებით დაიწყო. საქართველოს ბაზარზე ავიაკომპანიამ ოპერირება 2018 წლის ზაფხულში, ჩარტერული რეისებით, ბათუმის საერთაშორისო აეროპორტიდან დაიწყო, მოგვიანებით კი რეგულარული რეისების განხორციელება თბილისის საერთაშორისო აეროპორტიდანაც დაამატა.

შემთხვევითი სიახლე

ლიეტუვის ელჩი თანამოქალაქეებს საქართველოში დასასვენებლად იწვევს

ლიეტუვის ელჩი თანამოქალაქეებს საქართველოში დასასვენებლად იწვევს

საქართველოში ლიეტუვის ელჩი გიედრიუს პუოჯუნასი ლიეტუველებს საქართველოში დასასვენებლად იწვევს და ამგვარად ქვეყნის ტურიზმის მხარდაჭერას სთავაზობს. ამის შესახებ დიპლომატი „ტვიტერში“ წერს და …