მთავარი / მთავარი მოვლენები / კალაძე: სარალიძესა და მაჩალიკაშვილს შეუძლიათ, აქციისთვის შეარჩიონ სხვა ადგილი
კალაძე: სარალიძესა და მაჩალიკაშვილს შეუძლიათ, აქციისთვის შეარჩიონ სხვა ადგილი

კალაძე: სარალიძესა და მაჩალიკაშვილს შეუძლიათ, აქციისთვის შეარჩიონ სხვა ადგილი

თბილისის მერიამ კანონის თანახმად განუმარტა ზაზა სარალიძეს, რომ აქციისთვის პარლამენტის შენობის წინ ტერიტორიის გამოყენება, შეუძლებელი იქნება, რადგან საახალწლო ღონისძიებებისთვის მზადება მიმდინარეობს, მათ შეუძლიათ ქალაქში სხვა ადგილი შეარჩიონ, – ამის შესახებ თბილისის მერმა, კახა კალაძემ ზაზა სარალიძისა და მალხაზ მაჩალიკაშვილის დღევანდელ განცხადებასთან დაკავშირებით აღნიშნა, რომლის თანახმად, ისინი მერიის თხოვნის შესრულებასა და პარლამენტის ტერიტორიის დატოვებას არ აპირებენ.

კალაძის თქმით, მერიას დაწყებული აქვს მზადება საახალწლო ღონისძიებებისთვის.

„პარლამენტის წინ არის ცენტრალური ადგილი, სადაც იდგმება საახალწლო მთავარი ნაძვის ხე. ეს მე არ მომიფიქრებია, ტრადიციაა, რომელიც წლების განმავლობაში გრძელდება. მათ კანონის შესაბამისად მომართეს მერიას და ჰქონდათ სურვილი, დეკემბრის ბოლომდე გაეგრძელებინათ თავიანთი აქცია დავარქვათ ამას, თუ თავისუფლების გამოხატვის შესაძლებლობა. ჩვენც კანონის თანახმად განვუმარტეთ, რომ შეუძლებელი იქნება ამ კონკრეტული ადგილის გამოყენება, რადგან დედაქალაქის მერია ემზადება საახალწლო ღონისძიებებისთვის. მათ აქვთ შესაძლებლობა, ნახონ ქალაქში სხვა ადგილი, სადაც არა იქნება საახალწლო ღონისძიებები, რათა ერთმანეთისთვის ხელის შეშლა არ მოხდეს. ამის უფლება მიეცემათ, არანაირი პრობლემა არ არსებობს“, – განაცხადა კახა კალაძემ.

კითხვაზე, რა ზომებს მიიღებს მერია, თუ სარალიძე და მაჩალიკაშვილის აქციის ადგილს არ შეცვლიან, კალაძე აცხადებს, რომ პასუხი კანონის ფარგლებში გაეცემათ.

„კანონი არის ძალიან მარტივი გამოსავალი ამისთვის. ტერიტორია თვითონაც შეუძლიათ აირჩიონ, შეზღუდული არავინ არის. დედაქალაქის მერია კანონის ფარგლებში გასცემს პასუხს“, – განაცხადა თბილისის მერმა.

თბილისის მერიამ ხორავას ქუჩაზე მოკლული დავით სარალიძის მამას, ზაზა სარალიძეს თხოვნით მიმართა,  რუსთაველის გამზირზე, პარლამენტის შენობის წინ 15 დეკემბერს დაგეგმილი ნაძვის ხის ანთების ცერემონიისა და საახალწლო ღონისძიებების მოსამზადებელ პერიოდთან დაკავშირებით, მიმდინარე წლის 7 დეკემბრიდან დაგეგმილი აქციის ჩატარების დრო და ადგილი შეცვალოს. სარალძემ და მალხაზ მაჩალიკაშვილმა აღნიშნეს, რომ მერიის თხოვნის შესრულებას აპირებენ და მათი პროტესტი ღონისძიებებს ხელს არ შეუშლის.

შემთხვევითი სიახლე

მამუკა ბახტაძემ პრემიერ-მინისტრის თანამდებობა დატოვა

მამუკა ბახტაძემ პრემიერ-მინისტრის თანამდებობა დატოვა

პრემიერ-მინისტრმა მამუკა ბახტაძემ თანამდებობა დატოვა. შესაბამის განცხადებას ბახტაძე სოციალურ ქსელში აკეთებს. „2018 წელს საქართველოს პრემიერ-მინისტრის პოსტზე ჩემი …