მთავარი / საქართველო / კალაძე: ტურისტების უსაფრთხოება ჩვენ ქვეყანაში დაცულია
კახა კალაძე: ტურისტების უსაფრთხოება ჩვენ ქვეყანაში დაცულია

კალაძე: ტურისტების უსაფრთხოება ჩვენ ქვეყანაში დაცულია

დედაქალაქის მერი კახა კალაძე ბოლო პერიოდში ქვეყანაში განვითარებულ მოვლენებს კიდევ ერთხელ გამოეხმაურა და მედიის დასმულ შეკითხვებს უპასუხა.

კახა კალაძის განცხადებით, ქართველი ერი ტოლერანტი ერია, რომელსაც მასპინძლობა არასდროს შეშლია.

მისივე თქმით, ქართული საზოგადოება ოკუპაციას გონიერებითა და განათლებით უნდა დაუპირისპირდეს და არა ემოციით, რომელიც ისევ მას დააზარალებს.

„როგორც დედაქალაქის მერმა, ძალიან კარგად ვიცი, როგორ ვითარდებოდა ზოგადად ტურიზმი თბილისში. ვიცი, რამდენად მნიშვნელოვანია ამ სექტორის წინსვლა და განვითარება, რამდენად მნიშვნელოვანია, რომ ყოველწლიურად მეტი და მეტი ტურისტი ჩამოდიოდა საქართველოში და ეს ტენდენცია მზარდი იყო. ამის პარალელურად მეტი სასტუმრო შენდებოდა, ჩნდებოდა ჰოსტელები, კაფე-ბარები. ეს ძალიან ბევრ ადამიანს აძლევდა დასაქმების შესაძლებლობას და იყო მათი შემოსავლის წყარო. რა თქმა უნდა, რუსეთის გადაწყვეტილება, რომელიც მოვისმინეთ, არის ძალიან ცუდი, სამწუხაროა. მინდა ყველამ იცოდეს, რომ ქართველი ხალხი ეროვნული ნიშნით არანაირი ფობიებით არ გამოირჩევა არც ერთი ხალხის მიმართ და ამის დამადასტურებელია ის მრავალსაუკუნოვანი ტოლერანტული ტრადიციები, რომელიც გვაქვს. ტურისტების უსაფრთხოებაზე იყო საუბარი და მინდა აღვნიშნო, რომ ტურისტების უსაფრთხოება ჩვენს ქვეყანაში დაცულია, მათ შორის რუსი ტურისტების. მათ არანაირი პრობლემა არ შეექმნებათ, შეუძლიათ ჩამობრძანდნენ. ჩვენ ოკუპაციას გონიერებით უნდა ვებრძოლოთ, განათლებული, ჭკვიანი ხალხი ვართ ქართველები და არ უნდა გავაკეთოთ ისე, რომ ისევ ჩვენ დავზიანდეთ. იმას, რომ ჩვენი ქვეყნის 20 პროცენტი ოკუპირებულია, განათლებით, გონიერებით, ეკონომიკური წინსვლით უნდა ვებრძოლოთ“, – აღნიშნა კახა კალაძემ.

შემთხვევითი სიახლე

#მადლობასაქართველოსთვის – კომპანია „აიგრუპის“ გზავნილი 2008 წლის აგვისტოს ომში დაღუპული გმირების ოჯახებს

ქართული ინდუსტრიული კომპანია „აიგრუპი“ 2008 წლის აგვისტოს ომის 11 წლისთავს ეხმიანება და დაღუპული ჯარისკაცების ოჯახებს …