მთავარი / საქართველო / განათლება / განათლების სამინისტროს განცხადება: როგორ მიიღებენ მოსწავლეები ატესტატს
განათლების სამინისტროს განცხადება: როგორ მიიღებენ მოსწავლეები ატესტატს

განათლების სამინისტროს განცხადება: როგორ მიიღებენ მოსწავლეები ატესტატს

განათლების, მეცნიერების, კულტურისა და სპორტის სამინისტრო განმარტებას აკეთებს, როგორ მიიღებენ სკოლის მოსწავლეები ატესტატს.

როგორც სამინისტროში აცხადებენ, იმისთვის, რომ მოსწავლემ აიღოს ატესტატი, უნდა ჰქონდეს ყველა საგანში დადებითი შეფასება, ხუთი ან მეტი ქულა.

„2018-2019 სასწავლო წლიდან, სახელმწიფოს მიერ ორგანიზებული სკოლის გამოსაშვები (ე.წ. CAT-ის) გამოცდები მე-11 და მე-12 კლასებისთვის მოიხსნა.

• მოსწავლეები, რომლებიც ე.წ. CAT-ის გამოცდებზე ჩაიჭრნენ ან არ/ვერ გავიდნენ, ატესტატის აღებას შეძლებენ, თუკი ყველა საგანში დადებითი შეფასება, ხუთი ან მეტი ქულა აქვთ.

• კლასის დაძლევის ან გაცდენების ექსტერნის გამოცდების წარმატებით ჩაბარების შემთხვევაში, მოსწავლეები ატესტატის აღებას შეძლებენ, თუკი ყველა საგანში დადებითი შეფასება, ხუთი ან მეტი ქულა აქვთ.

• ატესტატს გასცემს სერვისების განვითარების სააგენტო კანონში შესაბამისი ცვლილების ამოქმედების შემდეგ. აღნიშნულთან დაკავშირებით ინფორმაცია მოგვიანებით გამოქვეყნდება.

• სკოლადამთავრებულებს, რომლებიც მოიპოვებენ ატესტატს, უფლება ექნებათ გაიარონ რეგისტრაცია პროფესიული ან უმაღლესი განათლების მიღების მიზნით როგორც 2019 წელს, ასევე შემდგომ წლებშიც. ეროვნულ დონეზე საგამოცდო რეგისტრაციის ვადები გამოცხადდება დადგენილი წესით“,- აღნიშნულია განათლების სამინისტროს მიერ გავრცელებულ ინფორმაციაში.

შემთხვევითი სიახლე

გვანცელაძე: ბაღებში ღვინის ეტიკეტით შეტანილი რძის შეფუთვა უსაფრთხოა

გვანცელაძე: ბაღებში ღვინის ეტიკეტით შეტანილი რძის შეფუთვა უსაფრთხოა

ბაღების მართვის სააგენტოს ხელმძღვანელის კახაბერ გვანცელაძის განცხადებით, ბაღებში ღვინის ეტიკეტით შეტანილი რძის შეფუთვა ნებისმიერი პროდუქტისთვის …