მთავარი / საქართველო / დევი ჭანკოტაძე: პრეზიდენტი არ შეიძლება გახდეს ის, ვინც საქართველოს ომის დაწყებაში დაადანაშაულებს

დევი ჭანკოტაძე: პრეზიდენტი არ შეიძლება გახდეს ის, ვინც საქართველოს ომის დაწყებაში დაადანაშაულებს

გენშტაბის ყოფილმა უფროსმა დევი ჭანკოტაძე წინასაარჩევნოდ მიმართვა გაავრცელა. ჭანკოტაძე დარწმუნებულია, რომ საპრეზიდენტო არჩევნების მეორე ტურის დროს ხალხი სწორ არჩევანს გააკეთებს და ქვეყანას ღირსეული პრეზიდენტი ეყოლება.

დევი ჭანკოტაძის თქმით, არ შეიძლება ჩვენს ქვეყანას ჰყავდეს ისეთი პრეზიდენტი, ვინც საქართველოს ომის დაწყებაში ადანაშაულებს.

„2008 წელს საქართველოს ჯარი იცავდა თავის სამშობლოს. ჩვენი დაღუპული ბიჭების სულების წინაშე, ჩვენი თანამებრძოლების წინაშე, მთელი საქართველოს წინაშე ჩვენ კიდევ ერთხელ უნდა ვთქვათ სიმართლე, საქართველოს არ დაუწყია ომი, საქართველოს ჯარს არ დაუბომბია მძინარე ქალაქი. ჩვენ ვიცავდით სამშობლოს და მომავალშიც დავიცავთ. რამდენიმე კვირაში საქართველო ახალ პრეზიდენტს აირჩევს, სამხედრო ძალების უმაღლეს მთავარსარდალს. ეს არ შეიძლება იყოს ის ადამიანი, ვინც დაადანაშაულებს საქართველოს ომის დაწყებაში, ვისი ბრალდების საფუძველზეც ჰააგის ტრიბუნალი და რუსი ოკუპანტი ცდილობს, ჩვენ ბიჭები გაასამართლოს.“ – განაცხადა დევი ჭანკოტაძემ.

შემთხვევითი სიახლე

ინდოეთსა და საქართველოს შორის საჰაერო მიმოსვლა იწყება

ინდოეთსა და საქართველოს შორის საჰაერო მიმოსვლა იწყება

ინდოეთის უმსხვილესი ავიაკომპანია საქართველოს საავიაციო ბაზარზე შემოსვლას გეგმავს. 2019 წლის თებერვლიდან ინდოეთსა და საქართველოს შორის …